Gjykata Evropiane, kundër burgosjes së refugjatëve ilegalë

Disa lande gjermane i mbajnë në burgjet e rregullta refugjatët e arrestuar që presin dëbimin.

Një vietnameze vjen si refugjate në Gjermani, kapet në Bavari dhe mbahet në burgun e Nurembergut nga 29 marsi 2012 deri në 10 korrik 2012, përsa kohë që pret dëbimin. Gjykata e Nurembergut e refuzoi ankesën e saj për bashkimin në burg me të dënuar për vepra të tjera penale. Rasti i vietnamezes arriti deri në Gjykatën Federale, ku gjykatësit nuk morën asnjë vendim, por ia dorëzuan çështjen Gjykatës Evropiane dha vendimin e saj ditën e enjte (17.07.) në një çështje mjaft të rëndësishme, nuk lejohet që të arrestuarit si refugjatë ilegalë të vendosen në një burg me të dënuarit e tjerë.

Organizatat humanitare, si ProAsyl dhe Shërbimi Jezuit për Refugjatët, e dënojnë praktikën e nëntë landeve gjermane që të vendosin në të njëjtin burg refugjatët ilegalë me të burgosurit e tjerë dhe i referohen një rregulloreje evropiane të vitit 2008, transmeton DW.

Në burgjet normale rregulloret janë të forta, përdorimi i celularit, për shembull, nuk lejohet. Edhe prokurori i përgjithshëm francez i Gjykatës Evropiane, Yves Bot, ishte shprehur më parë se ai një praktikë të tillë të mbajtjes në burg e vlerëson antiligjore. Vendimi i Gjykatës Evropiane të enjten i dha atij të drejtë.