Gjermania stimulon aftësimin profesional të të rinjve nga BE

Deri në vitin 2018 do të ndajë 560 milionë euro në vend të 139 milionë sa i ka pasur deri më tash për arsimimin profesional të të rinjve të papunë nga shtetet jugore të BE-së

Gjermania ka vendosur të rrisë motivimin e të huajve të moshës së re nga shtetet e Bashkimit Evropian për të ardhur ë Gjermani për të bërë një kualifikim profesional. Me këtë synim, shteti gjerman ka planifikuar që për vitet në vijim ta shtojë fondin e destinuar për këtë qëllim për më shumë se tre fish në krahasim me nivelin e tashëm.

Deri në vitin 2018 ky shtet do të ndajë 560 milionë euro në vend të 139 milionë sa i ka pasur deri më tash për arsimimin profesional të të rinjve të papunë nga shtetet jugore të Bashkimit Evropian, shkruan srf. Në këtë kuadër, për shembull gjatë vitit të ardhshëm në Gjermani do të sillen 2000 të rinj të vendeve të regjionit të pe¨rmendur, ku do të absolvojnë një profesion.

Subvencionimi përfshin kurset e gjuhës gjermane në vendet ku të rinjtë jetojnë, pastaj mbulimin e shpenzimeve të transportit si dhe mjete shtesë për shpenzimet gjatë qëndrimit të tyre me qëllim aftësimi profesional në Gjermani.