52 numri i viktimave, ndërron jetë një tjetër anëtare e familjes Lala

Shqipëri ka ndërruar jetë edhe një tjetër anëtar i familjes Lala

Thellohet tragjedia në familjen Lala në zonën e Kënetës që humbi tetë anëtarë të familjes nga tërmeti i tmerrshëm që i zuri brenda në banesë duke u marrë jetën.

Së fundi, mediat shqiptare raportojnë se ka ndërruar jetë edhe një tjetër anëtar i familjes Lala, dhe bëhet fjalë për Fiqerete Lalën.

Thuhet se ajo ka ndërruar jetë në drekën e varrimit të 8 anëtarëve të familjes së saj, pasi nuk e ka përballuar dot dhimbjen e madhe.

Me vdekjen e Lalës shkon në 52 numri i viktimave nga tërmeti 6.4 ballësh që ka goditur Shqipërinë mëngjesin e 26 nëntorit, përcjell albinfo.ch.

---