Këto janë kushtet e reja për punë sezonale në Gjermani

Të rinjtë e veçmas studentët shqiptarë do të kenë mundësinë që pushimet verës, t`i shfrytëzojnë për punësim sezol në Gjermani

Ambasada gjermane ka publikuar një thirrje të Qendrës gjermane të informimit për emigracionin, arsimin profesional dhe zhvillimin e karrierës, ku sqarohen hapat që duhen ndjekur nga të rinjtë e interesuar.

Për të interesuarit kërkohet që së pari të lexojnë me shumë kujdes fletën e informacionit, më pas duhet të shkarkojnë dhe plotësojnë në mënyrë elektronike formularin e aplikimit dhe vërtetimin nga universiteti ose shkolla profesionale.

Po ashtu, duhet të fotokopjojnë pasaportën, vërtetimin e dijeve të gjermanishtes nëse e kanë dhe lejen e drejtimit, edhe atë nëse e zotërojnë. Dokumentet origjinale duhen dorëzuar pranë qëndrës DIMAK Albania deri në 14 shkurt, ora 15:00.

Përmes Facebookut, drejtues të saj u shprehën të gatshëm të publikojmë edhe seancat e ardhshme informuese, ku do të bëhet dhe një prezantim i programit, e ku studentët mund të marrin përgjigje për pyetjet e tyre.

Qëllimi, siç sqarohet në njoftim, është përafrimi i ofertës informues gjermane dhe e ofertës ekzistuese në Shqipëri rreth temës së emigrimit të ligjshëm në Gjermani dhe sidomos nxitjes së punësimit për qytetarët shqiptarë. /albinfo.ch

 

---