Përafrohen qëndrimet VV-LDK

Për shumicën prej grupit parlamentar të LDK-së, përfshirë Lutfi Hazirin, është i pranueshëm propozimi që e ka dhënë Vjosa Osmani në njërën prej mbledhjeve të mëhershme që posti i kryeparlamentarit të kompensohet me njërën prej ministrive të rëndësishme, përkatësisht MPJ-në.

“Koha Ditore” pati shkruar se ky propozim kishte mbetur të shqyrtohet në mbledhjen e Këshillit të Përgjithshëm, por për shkak të refuzimit të nënkryetarit të LDK-së, Agim Veliu dhe një pjesë të kryesisë, mbledhja nuk është thirrur.

Në diskutimet e fundit, Osmani nuk ka shprehur gatishmëri të vendoset në krye të Kuvendit, në rrethanat aktuale, pasi Konjufca është zgjedhur edhe me votat e LDK-së.

Burime brenda këtyre zhvillimeve kanë thënë se edhe VV është pajtuar me këtë formulë- MPJ për Kryeparlamentarin.

Zyrtarisht në LDK dhe VV kanë refuzuar të deklarohen për negociatat e fundit rreth koalicionit, përcjell Albinfo.ch.