BB: Mbi 90 për qind e shqiptarëve rrezikohen nga sëmundjet kronike

Një studim i fundit i Bankës Botërore mbi shëndetësinë tërheq vëmendjen se pjesa më e madhe e popullsisë globale kërcënohet nga sëmundjet kronike, jo të transmetueshme.

Çdo vit në gjithë botën, 15 milionë njerëz vdesin para moshës 70-vjeçare nga këto sëmundje kronike, ku futen ato kardiovaskulare, tumoret, diabeti dhe mbipesha. Sigurisht që dhe vendi ynë nuk bën ndryshim nga kjo tendencë.

Sipas shifrave të Bankës Botërore, mbi 93 për qind e shqiptarëve janë të rrezikuar nga këto sëmundje, kjo është panorama në gjithë rajonit. Serbia me 94.6 për qind, Maqedonia me 95.3 për qind, Bosnjë e Hercegovina me 94.5 për qind, kurse në Greqi preken 86.2 për qind e popullsisë.

Sëmundjet kronike dhe jo të transmetueshme janë bërë një shqetësim në rritje në të gjitha vendet, pavarësisht nivelit të të ardhurave. Problemi kryesor është kequshqyerja me të dyja anët, urinë dhe mbipeshën. Sëmundjet kronike dhe jo të transmetueshme parashikohet të rriten deri në vitin 2030, pavarësisht ndryshimit të mënyrës së jetesës, popullsisë së plakjes dhe një urbanizimi në rritje.

Banka Botërore sugjeron një seri ndërhyrjesh, siç është etiketimi i detyrueshëm i ushqimeve të përpunuara; arsimim i konsumatorit; politika të forta fiskale, siç janë taksimi i ushqimeve jo të shëndetshme, më shumë sheshe lojërash nëpër shkolla dhe zona banimi, shkruan TCH, përcjell albinfo.ch.

---