Prodhojnë maska falas për mjekët në Shqipëri

Në këto kohë të vështira, shumë njerëz e tregojnë anën humane

Shqipëria, por edhe vendet tjera po kalojnë në një situatë jo të mirë për shkak të përhapjes së koronavirusit.

Disa persona kanë humbur jetën, kurse qindra të tjerë janë prekur nga ky virus, shkruan albinfo.ch.

Spitalet kanë nevojë më shumë se kurrë për ndihmë dhe për njerëz humanë.

Njëri ndër ta është edhe Alban Kardashi. Ai është duke punuar pandërprerë që të prodhojnë maska për mjekët në Shqipëri.

Kadashi për albinfo.ch, ka thënë se janë tetë persona që punojnë pa u ndaluar për të furnizuar spitalet në Shqipëri.

Tutje ai ka shtuar se të gjitha maskat janë falas dhe u ka bërë thirrje të gjithëve që të ndihmojnë dhe të japin kontributin e tyre.

 

---