Shqipëri: Shtohen 21 raste të reja, në mesin e tyre edhe fëmijë

Shtohen 21 raste të reja të të prekurve nga koronavirusi në Shqipëri, duke e çuar në 467 numrin total të të prekurve.

Nga rastet e reja është 1 personel shëndetësor dhe dy fëmijë pa shenja të sëmundjes.

Rastet e reja u konfirmuan pas 193 personave të testuar.

Betejën me këtë sëmundje e kanë humbur deri tani 23 qytetarë. Gjatë 24 orëve të fundit 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 232.

Ministria e Shëndetësisë bëri me dije se deri në këto momente janë testuar 4070 raste të dyshuara.

Aktualisht në Shërbimin Infektiv janë 43 të shtruar. 7 pacientë janë në terapi intensive, ndërsa 2 prej tyre janë të intubuar. Në spitalin COVID 2 “Shefqet Ndroqi” janë 9 pacientë të shtruar. 7 pacientë janë në terapi intensive, ndërsa 5 prej tyre janë të intubuar.

Në dy spitalet COVID aktualisht po marrin shërbim 52 pacientë.

Harta e të prekurve nga COVID-19 zgjerohet në Tiranë me 6 raste, Shkodër 13 raste, Durrës me 1 rast dhe Hasi me 1 rast. Rastet e identifikuara në 24 orët e fundit janë kontakte të rasteve të mëparshme të prekura me COVID-19, ndërkohë që vazhdon procesi i hetimit epidemiologjik në terren.

Shpërndarja gjeografike e rasteve pozitive është si vijon:

– Tiranë 221 raste – Durrës 42 raste – Lushnje 6 raste – Elbasan 15 raste – Fier 32 raste – Kavajë 8 raste – Rrogozhinë 4 raste – Korçë 17 raste – Vlorë 5 raste – Shkodër 70 raste – Lezhë 14 raste – Berat 2 rast – Has 13 raste – Krujë 6 raste -Tropojë 4 raste – Pukë 5 raste – Mirditë 3 raste.

---