Riatdhesohen 109 shqiptarë nga Franca, iu refuzua kërkesa për azil

109 shqiptarë janë riatdhesuar nga Franca në Shqipëri, përmes Aeroportit të Rinasit.

Ata kishin kërkuar azil politik, por autoritetet atje ua kishin refuzuar.

Për këtë arsye ata kanë kërkuar që të kthehen vullnetarisht në Shqipëri, shkruajnë mediata atje , përcjellë albinfo.ch.

Dy ditë më parë u riatdhesuan vullnetarisht nga Franca edhe 110 shtetas të tjerë të cilëve gjithashtu iu ishte refuzuar dhënia e azilit.

Ministria e Brendshme dhe Policia e Shtetit apelojnë për të gjithë shtetasit shqiptarë se shanset për të fituar azil në vendet e BE-së janë zero dhe në këtë kontekst çdo shtetas shqiptar duhet të respektojë me rigorozitet rregullat e lëvizjes dhe të qëndrimit në hapësirën Schengen.