Tiranë, edukatoret e infektuara me Covid-19, mbyllet çerdhja

Gautam Arora

Është bërë e ditur se një pjesë e mirë e institucioneve edukative e arsimore në Shqipëri janë mbyllur për shkak të Covid-19, përcjell albinfo.ch.

Mësohet se çerdhja 42 pranë zonës së “Oxhakut” është mbyllur, pasi disa edukatore dhe pjesëtarë të tjerë të stafit kanë dalë pozitivë në testin e koronavirusit.

Një mesazh ka mbërritur në telefonat e prindërve që nga e hëna të mos i dërgojnë më fëmijët në çerdhen në fjalë. Kujtojmë që më herët disa çerdhe të tjera dhe kopshte janë mbyllur si pasojë e koronavirusit.

Në qershor në Laprakë u mbyll kopshti n.11, në zonën e ish-Bllokut u mbyll me urgjencë çerdhja numër 16, si dhe kopshti nr. 27 në Allias.