Zhbllokohet kufiri shqiptaro-grek, për 3 orë kalojnë mbi 1 mijë emigrantë

Pas shumë pritjeve të gjata në kufi,  ku rreth 10 mijë emigrantë shqiptarë pritën prej gati 48 orësh në kufirin shqiptaro-grek në temperatura mjaft të larta, përcjell albinfo.ch.

Tashmë situata duket se është përmirësuar në Kakavijë aty ku qytetarët shqiptarë ishin të bllokuar pa ujë e ushqime.

Prej orës 14:00 deri në orën 17:00, raportohet se e kanë kaluar kufirin 1 mijë emigrantë. Pala greke shtoi testimet për koronavirus, çka ka sjellë një përmirësim të situatës.

Duhet theksuar se  radhët e makinave vazhdojnë të jenë në disa kilometra.

Më herët Greqia ka vendosur që të zgjasë kufizimet për emigrantët  shqiptarë deri në datën 31 gusht. Por karantina nuk do të jetë 14 ditë, por vetëm 7 ditë. /Albinfo.ch.