Cila do të jetë qasja e Dritan Abazoviqit në raport me pavarësinë e Kosovës?

Edhe pse synon arritjen e koalicionit me partitë proserbe në Mal të Zi, shqiptari Dritan Abazoviç tha se pavarësia e Kosovës do të jetë e padiskutueshme.

Në një intervistë për mediat serbe, Abazoviç, i cili drejton lëvizjen ‘E zeza në të bardhë’ theksoi se ka pritje që Kosova dhe Serbia të arrijnë marrëveshje, përcjell Albinfo.ch.

Dritan Abazovic, kryetar i lëvizjes “E zeza në të bardhë” në Malin e Zi, u ka dhënë sot përgjigjie pyetjeve se çfarë do bëjë qeveria e re proserbe në vendin e tij me Kosovë.

Në një intervistë për gazetën serbe Kurir, Abazovic tha se pavarësia e Kosovës nuk është në diskutim dhe se ai pret që Kosova dhe Serbia në të ardhmen të arrijnë marrëveshje.
Rreth mundësisë që Mali i Zi ta tërheqë njohjen e pavarësisë, Abazoviç tha se do të jenë kundër dhe se kjo pyetje as që do të vihet në rend dite, pasi siç u shpreh ai, kjo është çështje e kryer e nuk duhet kthyer në të kaluarën.

“Të gjithë këtu e duan paqen. Do të tentojnë të shkaktojnë incidente në të gjitha mënyrat. Mali i Zi në Bashkimin Evropian, të ketë pajtim dhe standard më të lartë jetese sesa tani. Jam i sigurt se ajo ëndërr mund të bëhet e vërtetë”, tha ndër të tjera Abazoviç, i cili është faktor përcaktues në krijimin e qeverisë së re të Malit të Zi.