Gjermania rishikon zgjerimin e burimeve të ripërtëritshme të energjisë

Gjermania po planifikon kontrolle më të rrepta për të siguruar arritjen e synimeve në zgjerimin e saj të burimeve të ripërtëritshme të energjisë, sipas draftit më të fundit që do të diskutohet nga qeveria të mërkurën.

Versioni i fundit i ligjit, i cili është ende subjekt i ndryshimit, përfshin kuotat vjetore për diellin, biomasën dhe erën në det të hapur. Këto kuota duhet të kontrollohen rregullisht në secilin nga 16 shtetet federale të Gjermanisë.

Përveç kësaj, objektivat e zgjerimit do të rishikohen një herë në dy vjet për t’u siguruar që Gjermania mund të arrijë objektivin e saj për të gjeneruar të paktën 65% të energjisë elektrike deri në 2030.

Gjermania aktualisht po përpilon një version të ri të ligjit të saj historik të energjisë së rinovueshme, pasi subvencionet kryesore për stacionet më të vjetra të erës dhe diellit të vendit po hiqen vitin e ardhshëm, shkruan “Reuters”, përcjell albinfo.ch.