Shqipëri, maskat do të qëndrojnë deri në fund të dimrit

Së fundmi, kryeministri Edi Rama gjatë një interviste në emisionin “Opinion”, mbrëmë, tha se maskat do të jenë të detyrueshme deri në dalje të dimrit.

Sipas tij, kjo edhe për shkak të faktit se nuk dihet cili do të jetë ndikimi i gripit stinor në reagimin e koronavirusit.

Ai gjithashtu theksoi faktin se gjobat për mosmbajtjen e maskave nuk falen.

“Maskat do të qëndrojnë deri në dalje të dimrit. Çështja është çfarë do të sjellë më shumë gripi stinor. Gjobat do të merren çdo muaj në faturën e dritave dhe nuk do të falen”, tha Rama.

Gjithashtu, pa e fshehur vetësigurinë, Rama tha se edhe sikur ai vetë të ndalonte së bëri gjithçka, do të ishte fitues në zgjedhjet e 25 prillit.