Buchs, Ag: Gjenden të vrarë tre fëmijë dhe babai i tyre

Policia është informuar nga një person i tretë në orën 7.15 të mëngjesit se katër njerëz të vdekur janë gjetur në një shtëpi

Në Buchs të kantonit aargau, dyshohet se njüë baba ka vrarë tre fëmijët e tij dhe më pas ka bërë vetëvrasje. Të katër të vdekurit janë gjetur në mëngjesin e sotëm, në një shtëpi familjare, shkruan sda.ch.

Policia fillimisht nuk ka dhënë ndonjë informacion në lidhje me mënyrën e vrasjes ose sfondin dhe motivin e krimit.

Policia është informuar nga një person i tretë në orën 7.15 të mëngjesit se katër njerëz të vdekur janë gjetur në një shtëpi, thuhet në një njoftim nga policia e kantonit në Aargau, transmeton albinfo.ch. Viktimat janë tre fëmijë të moshës tre, njëmbëdhjetë dhe trembëdhjetë.

Sipas gjetjeve fillestare, supozohet se i dyshuari është midis viktimave, ka thënë Corina Winkler, zëdhënëse e policisë kantonale. I dyshuari është 37 vjeç dhe babai i fëmijëve. Ai gjithashtu u gjet i vdekur. Policia nuk ka dhënë asnjë informacion mbi motivin d

Zyra e prokurorit publik në Lenzburg-Aarau ka hapur një hetim penal, përcjell albinfo.ch. Policia e kantonit ka siguruar gjurmët e krimit dhe ka nisur hetimet.

Shtëpia në të cilën jetonte një familje e vetme ndodhet  në një zonë të qetë banimi pranë stacionit të trenit në Buchs, një komunë fqinje me aarau-n, kryeqytetin e kantonit Aargau.

---