Tirana, e mbushur me plot atmosferë për festat e fundvitit

Kështu duket Tirana për festat e fundvitit

Ashtu si shumë kryeqytete të Europës, edhe Tirana është bërë gati për të mikpritur festat e fundvitit. Në sheshin “Skënderbej” ka nisur atmosfera, një hapësirë festive ku qytetarët mund të kalojnë kohën dhe të argëtohen, transmeton albinfo.ch.

Qyteti i Tiranës është zbukuruar nga dritat dhe dekoret e ndryshme në prag të festave të fundvitit, Krishtlindjet dhe Viti i Ri.

Me afrimin e festave, edhe qyteti ka filluar që të vishet me vellon e tij të re, çka është kthyer në një traditë të bukur duke tërhequr vëmendjen e vizitorëve vendas.

Bashkia e Tiranës ka sjellë festën në disa nga rrugët kryesore, ndërsa ka menduar të shtojë rrugët me ndriçim të ri dhe drita delikate.

“E ku ka më bukur sesa Tirana e festave! E ngrohtë, vezulluese, plot magji ngjyrash, që përçon veç dashuri. Uroj me zemër që ta kalojmë sa më shpejt këtë flamë e ta festojmë gëzuar Krishtlindjen dhe Vitin e Ri”, është shprehur kryetari i Tiranës, Erion Veliaj. /Albinfo.ch

 

 

---