Berati, qyteti i dritareve, merr pamje festive në fundvit

Shumë qytete të Shqipërisë janë stolisur me dekore të ndryshme për festat e fundvitit. Edhe Berati, qyteti i “një mbi një dritareve”, është zbukuruar me drita shumëngjyrëshe, duke sjellë atmosferën e ngrohtë të festave të fundvitit për qytetarët, përcjell albinfo.ch.

Dritat e zbukurimeve të vendosura në pedonalen e qytetit, në të dyja Urat e Goricës, pema në qendër të qytetit dhe instalacione të ndryshme dritash, e bëjnë qytetin e Beratit më të shndritshëm se asnjëherë më parë, në prag të festave të fundvitit.

Në kushtet e një viti të pazakontë të krijuar nga pandemia botërore, zbukurimet e qytetit krijojnë atmosferën e ngrohtë të festave, duke përcjellë mesazhe shprese te qytetarët.