Lajmi i mirë për qytetarët e Kosovës: Arrihet marrëveshja për 1.2 milionë vaksina Pfizer

Lajmi është bërë i ditur nga kryeministri i Kosovës, Albin Kurti dhe ministri Arben Vitia

Kosova arrin marrëveshje me Pfizer për blerje të vaksinave.

Ministri i Shëndetësisë kosovare, Arben Vita, deklaroi se deri në fund të vitit pritet të arrijnë në Kosovë mbi 1 milion e 200 mijë vaksina të blera nga Pfizer.

“Mund të ndodhë që të kemi 200 mijë vaksina në muaj, mund të kemi 500 mijë”, ka thënë ai pas mbledhjes së Qeverisë në një konferencë për media, përcjell albinfo.ch.

Kryeministri i Kosovës, Albin Kurti, në mbledhjen e mbajtur sot të Qeverisë së Kosovës, ka dhënë lajmin e mirë për qytetarët e Kosovës, se janë blerë vaksinat “Pfizer”, me qëllim imunizimin e 60% të qytetarëve deri në fundin e këtij viti.

“Porsa janë përmbyllur me sukses negociatat për ardhjen e vaksinave në Kosovë, me ç’rast ne kemi blerë vaksina nga prodhuesi “Pfizer”, falënderuar kësaj, ne do të mund të bëjmë vaksinimin edhe përtej grupeve me prioritet”, tha kryeministri Kurti.

---