Kosova

Danimarka i dhuron Kosovës 250 mijë doza të vaksinës Astra Zeneca

E hënë, 5 Korrik 2021 - 17:25 albinfo.ch
Photo alirazagurmani9272

Ish-ministri i Shëndetësisë së Kosovës, Armend Zemaj, ka njoftuar se Danimarka do të dhurojë 250 mijë doza të vaksinës Astra Zeneca për Kosovën.

“Danimarka nuk e harron Kosovën. Edhe një lajm i mirë në betejën kundër pandemisë Covid-19. Danimarka, shteti mik i Kosovës, dërgon 250.000 vaksina falas për qytetarët tanë. Faleminderit shumë. Mirënjohës përgjithmonë”, ka shkruar Zemaj në Facebook.

Zemaj ka thënë se miqësia në ditët e vështira është vlerë e veçantë dhe e paharrueshme.

“Miqësia në ditët e vështira është vlerë e veçantë dhe e paharrueshme. Nderim për popullin dhe shtetin e Danimarkës. Të bekuar me miqësinë Tuaj!”, ka shkruar Zemaj.

 Të ngjashme

Cendrine Berisha, nga Zvicra drejt botës së modës

 Të tjera nga Kosova

Pasaporta e Kosovës: Në sa shtete mund të udhëtojnë kosovarët pa vizë?

 E-Diaspora

 Jeta në Gjermani