Maqedoni: Arrijnë edhe 100 mijë vaksina AstraZeneca

@pixabay

Ministri i Shëndetësisë, Venko Filipçe, njoftoi në profilin e tij në Fejsbuk se sot arriti donacioni i 100.000 vaksinave të prodhuesit “AstraZeneka” nga Republika e Greqisë.

“Donacioni është pjesë e iniciativës personale të kryeministrit grek, Kirijakos Micotakis, të cilën ai i premtoi kryeministrit tonë, Zoran Zaev. Marrëdhëniet e mira fqinjësore dhe mbështetja janë riafirmuar, të cilat janë veçanërisht të rëndësishme në kohë pandemie. Falënderime të mëdha për popullin grek, Qeverinë e Republikës së Greqisë dhe ambasadorin e Greqisë në vendin tonë, Rusos Kunduros, me të cilin ne mirëpritëm vaksinat këtë mëngjes. Ato do të shpërndahen menjëherë në pikat e vaksinimit dhe do të destinohen për personat mbi moshën 60 vjeçe në përputhje me strategjinë tonë të vaksinimit”, thotë Filipçe.

Ai tregon se vaksinimi po përshpejtohet dhe nga e hëna të gjithë qytetarët do të mund të vaksinohen pa termin.