Kosovë: Për shtatë ditë, 157 të vdekur nga koronavirusi dhe mbi 14 mijë të infektuar

KEYSTONE/EPA/VALDRIN XHEMAJ

Numri i viktimave dhe i të infektuarve nga koronavirusi javët e fundit ka shënuar rritje enorme, ndërkaq vetëm në shtatë ditët e fundit janë infektuar 14,015, ndërsa kanë vdekur 157 persona.

Në total, numri i rasteve aktive është 24,939, ndërkaq nga fillimi i pandemisë janë shëruar 109.786, ndërsa kanë vdekur 2,387 persona.

Edhe Shërbimi Spitalor Klinik Universitar është i mbushur me pacientë. Në raportin e së enjtes bëhet e ditur se në klinikat COVID dhe spitalet e përgjithshme janë të shtrirë 1116 pacientë.

Prej tyre, 995 të konfirmuar Covid-19 pozitivë, 935 me oksigjeno-terapi 37 në gjendje të rënduar shëndetësore.

Ndërkaq, duke parë numrin e lartë të të infektuarve dhe viktimave janë paralajmëruar masa të reja.

Në kuadër të masave të reja që pritet të zgjasin nga 1 shtatori deri më 13 shtator është paraparë edhe rikthimi i orës policore dhe shkurtimi i orarit për gastronominë.