Alarmante: 36 të vdekur e mijëra të infektuar në 24 orët e fundit në Kosovë

Kosova sot ka shënuar rekord të zi të vdekjeve nga Covid-19.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se gjatë 24 orëve të fundit janë shënuar 36 raste të vdekjes, raporton Albinfo.ch.

“Nga 11.017 testime, 1.630 qytetarë kanë rezultuar pozitivë me virusin COVID-19. Sot janë shëruar 816 qytetarë, derisa numri i përgjithshëm i të shëruarve është 113.699. Në total numri i rasteve aktive është 26.575”, bëhet e ditur nga të dhënat e publikuara.

---