Zvicër: 25 % më pak raste se javën e kaluar

Vazhdon rënia e rasteve në Zvicër, ndërsa pothuajse të gjitha masat janë larguar

Këtë javë, 118,555 raste të reja Covid-19 u raportuan në Zvicër, 25% më pak nga 157,683 raste të raportuara një javë më parë. Numri i raportuar i pacientëve me Covid-19 të shtruar në spital gjithashtu ra 20% nga 492 në 392 gjatë javës, raportojnë mediat zvicerane, përcjell albinfo.ch.

Vdekjet nga Covid-19 gjithashtu ranë. Gjatë javës, u raportuan 61 vdekje të lidhura me Covid-19, një shifër 13% më e ulët se 70 të raportuara një javë më parë. Për më tepër, numri i pacientëve me Covid-19 në kujdesin intensiv ra 13% nga 198 në 172.

Të enjten, pothuajse çdo masë kundër Covid-19 u hoq në Zvicër. Banorët u lejuan të hyjnë në dyqane dhe në shumicën e hapësirave publike pa maska ​​për herë të parë pas një kohe shumë të gjatë.

Një studim u publikua këtë javë, i cili vlerësoi se deri në 40% e popullsisë së Zvicrës mund të jetë infektuar me variantin Omicron gjatë një periudhe prej katër javësh gjatë pikut të fundit të rasteve.

---