Borrell viziton Ballkanin Perëndimor

Shefi i diplomacisë europiane, Josep Borrell, do të udhëtojë drejt Ballkanit në datat 13 deri më 16 mars. Vizita kryhet për të konfirmuar mbështetjen për rajonin pas luftës në Ukrainë.

Borrell do të jetë të hënën në Shkup, ku do të takojë presidentin, kryeministrin, kryetarin e Parlamentit dhe disa ministra.

Ditën e martë Borrell do të shkojë në Tiranë, ku do të takojë kryeministrin Edi Rama.

Pas kësaj, ai do të takojë përfaqësues të shoqërisë civile. Të mërkurën Borrell do të shkojë në Sarajevë, një vizitë e qëllimshme edhe për shkak të situatës së tensionuar në Bosnjë dhe Hercegovinë.