Rritet për 42% numri i rasteve me Covid-19 në Zvicër

Aktualisht janë 48 pacientë me Covid-19 në kujdes intensiv. Kjo është 60 për qind më shumë se javën e kaluar

Zyra Federale e Shëndetit Publik (BAG) ka raportuar sot 33,108 raste të reja që rezultuan pozitive për virusin korona gjatë javës së fundit.

Ky numër e vendos mesataren 7-ditore në 4496 në ditë ose 34 për qind më shumë se në javën e kaluar, transmeton albinfo.ch. Në trendin aktual, mesatarja 7-ditore e infeksioneve të reja dyfishohet afërsisht çdo 17 ditë.

Incidenca 14-ditore aktualisht është 548.35.

BAG raporton gjithashtu 300 pranime të reja në spital, mesatarja 14-ditore e të cilave tani është 32 në ditë.

848 persona aktualisht po trajtohen në spital për Covid-19 që është 42 për qind më shumë se në javën e kaluar.

Aktualisht janë 48 pacientë me Covid-19 në kujdes intensiv. Kjo është 60 për qind më shumë se javën e kaluar.
BAG raporton 14 raste të reja të vdekjes në këto shtatë ditët e fundit.

---