Holanda ka hequr përfundimisht të gjitha kufizimet COVID-19

Pixabay

Që nga e shtuna e kaluar, qeveria holandeze ka hequr të gjitha kufizimet anti-covid e mbetura të hyrjes, për të gjithë udhëtarët që vijnë, përfshirë këtu ata që vijnë nga vendet jo të Bashkimit Evropian.

Vendimi është bërë i ditur nga Qeveria e Holandës përmes një komunikate të lëshuar të premten, transmeton albinfo.ch

“Qeveria holandeze ka vendosur të heqë ndalimin e hyrjes në BE për Holandën që nga 17 shtatori 2022. Duke pasur parasysh situatën aktuale epidemiologjike në Holandë, qeveria mendon se për hyrjen në Holandë, ndalimi i hyrjes në BE nuk është më proporcional.” thuhet në deklaratë.

Deklarata tutje thekson se heqja e kufizimeve do të zbatohet për të gjithë udhëtarët, përfshirë ata që vijnë nga vendet jashtë BE-së dhe vendet e zonës Shengen, transmeton tutje albinfo.ch