Britania do të trajnojë rreth 20,000 ushtarë ukrainas në vitin 2023

Lufta - unsplash

Britania planifikon të dyfishojë numrin e ushtarëve që do të trajnojë në vitin 2023, tha ministri britanik i Mbrojtjes, Ben Wallace, në një fjalim në Parlament.

“Forcat tona të armatosura po bëjnë gjithçka që është e mundur për të zhvilluar aftësitë luftarake të burrave dhe grave ukrainase. Ne trajnuam pothuajse 10,000 njerëz në Mbretërinë e Bashkuar më 2022. Së bashku me forcat tona të armatosura dhe aleatët tanë, ne synojmë të dyfishojmë numrin më 2023.

Dëshiroj të shpreh zyrtarisht mirënjohjen time për Kanadanë, Danimarkën, Finlandën, Suedinë, Norvegjinë, Zelandën e Re, Lituaninë, Holandën dhe Australinë për ndihmën e tyre në stërvitjen e ukrainasve”, theksoi ai.