Listat muzikore zvicerane tashmë do të përfshijnë transmetimet në YouTube

(KEYSTONE/Christian Beutler)

Që nga java e ardhshme, transmetimet në YouTube do të përfshihen në listat zyrtare javore të renditjes së muzikës.

Ndryshimi zbatohet nga java e sondazhit që fillon këtë të premte, më 30 dhjetor, tha të enjten shoqata e labelave muzikore zvicerane (IFPI), Hitparade dhe grupi hulumtues GfK Entertainment. Zvicra është tregu i tetë në mbarë botën ku YouTube do të përfshihet në renditjen e listave.

Që nga viti 2014, renditja ka marrë parasysh platformat me pagesë si Spotify, Apple Music dhe Deezer. Përfshirja e YouTube, e cila financohet përmes reklamave, do të thotë që 97% e të gjithë muzikës së konsumuar në Zvicër tani do të mbulohet, thanë grupet, shkruan swissinfo, përcjell tutje albinfo.ch