Gjysma e BE-së dhe një e treta e botës përballen me recesion në vitin 2023

@pixabay

Për një të tretën e ekonomisë globale viti 2023 do të jetë një vit i vështirë, pasi motorët kryesorë të rritjes globale – Shtetet e Bashkuara, Evropa dhe Kina – të gjithë përjetojnë aktivitet dobësues, tha kreu i Fondit Monetar Ndërkombëtar.

Viti i ri do të jetë “më i ashpër se viti që lëmë pas”, tha drejtoresha menaxhuese e FMN-së, Kristalina Georgieva, në emisionin Face the Nation të CBS të dielën.

Ekonomitë në mbarë botën janë nën presion nga lufta në Ukrainë, rritja e normave të interesit dhe çmimeve, si dhe rastet e COVID-19 në Kinë, të cilat gjithashtu kanë ngadalësuar prodhimin.

Si rezultat, në tetor FMN uli perspektivën e saj për rritjen ekonomike globale në vitin 2023.

“Ne presim që një e treta e ekonomisë botërore të jetë në recesion”, tha Georgieva, përcjell tutje albinfo.ch.