Momenti i përplasjes së dy helikopterëve në Australi

Katër persona kanë vdekur pas një përplasjeje në ajër mes dy helikopterëve pranë Seaworld në Goald Coast të Australisë.

Sipas medieve të huaja, përcjell Telegrafi, Policia e Queensland thotë se hetimet fillestare sugjerojnë se përplasja ka ndodhur teksa njëri helikopter po ngrihej dhe tjetri po zbriste.

Ata që vdiqën po udhëtonin me të njëjtin helikopter, ndërkohë që tre pasagjerë të tjerë janë në gjendje kritike.

Pesë nga gjashtë personat në aeroplanin tjetër, i cili bëri një ulje emergjente, pësuan lëndime të lehta.

Byroja Australiane e Sigurisë së Transportit (ATSB) po heton përplasjen, e cila ndodhi rreth orës 14:00 sipas orës lokale.

Gary Worrell i Shërbimit Policor të Queensland ka konfirmuar se nga aksidenti ka pasur katër të vdekur dhe tre të lënduar.