Zvicër, nata e ngrohtë në dimër, thyen rekord

Klima në Zvicër pëson ndryshime

Në natën e mbrëmshme u regjistrua një rekord i ri i temperaturës: në Altdorf në kantonin Uri termometri nuk ra kurrë nën 16.1 gradë ndërmjet orës 19.00 dhe 07.00, përcjell albinfo.ch.

Kjo është temperatura minimale më e butë e regjistruar ndonjëherë për një natë janari.

Stacionet e tjera matëse kanë raportuar gjithashtu temperatura të larta, thotë shërbimi i motit Meteonews në faqen e tij të internetit.

Në Oberriet (SG) ishte 15,6 gradë, në St. Chrischona pranë Bazelit 14,4 gradë dhe në Délemont (JU) 14,1 gradë. Rekordi i mëparshëm ishte 14.5 gradë, i matur më 6 janar 2013 në Locarno-Monti.

 

---