Zgjerohet skandali i korrupsionit në Parlamentin Evropian

Keystone EPA/CHRISTOPHE PETIT TESSON

Skandali i korrupsionit që shpërtheu në BE duket se po shkon drejt zgjerimit.

Së fundmi kryetarja e Parlamentit Europian ka ndërmarrë lëvizjet e para për t’u hequr imunitetin dy euro-deputetëve të tjerë që rezultojnë të përfshirë në skemën e lobimit për Katarin dhe Marokun, përcjell albinfo.ch.

Procedura është ndërmarrë në formë urgjente nga kryetarja e Parlamentit, Roberta Metsola, për t’u hequr mbrojtjen ligjore dy ligjvënësve, pas një kërkese të autoriteteve gjyqësore belge.

Skandali u bë publik në dhjetor të vitit që lamë pas, kur u arrestua euro-deputetja greke Eva Kaili, e cila akuzohet se ka pranuar shuma të mëdha parash për të lobuar në favor të Katarit dhe Marokut në Parlamentin Evropian.

Ndërkohë Metsola theksoi se personat përgjegjës do ta kuptojnë shumë shpejt se Parlamenti është në anën e ligjit.