Studim: Parashikohet zhdukja e akullnajave evropiane deri në vitin 2100 nëse nuk merren masa

Jay Ruzesky @wolsenburg

Sipas objektivave aktuale të klimës, praktikisht nuk do të ketë asnjë akullnajë në Evropën Qendrore deri në fund të shekullit, sipas një studimi ndërkombëtar me pjesëmarrjen zvicerane, përcjell albinfo.ch.

Shkencëtarët shikuan të dhënat nga 215.547 akullnaja në mbarë botën dhe simuluan skenarë të ndryshëm me rritje të temperaturës midis 1.5°C dhe 4°C.

Me një rritje prej 3°C deri në vitin 2100 akullnajat e Evropës Qendrore do të jenë zhdukur plotësisht, zbuluan ata, ndërsa një rritje prej 1.5°C – që do të përfshinte vendosjen e objektivave më të rrepta klimatike – shkrirja do të ishte në rendin e 60%.

Sipas synimeve aktuale ndërkombëtare, rritja e temperaturës këtë shekull pritet të jetë 2.7°C.

Në mbarë botën, skenari më optimist në studim do të shihte akullnajat të humbnin 26% të masës së tyre në krahasim me vitin 2015; Shtresat e akullit do të mbijetonin vetëm në malet e larta të Azisë, Alaskës, Rusisë dhe Arktikut dhe Antarktikut. Në të njëjtën kohë, niveli i detit do të rritet me 115 milimetra, përcjell tutje albinfo.ch.