24-vjetori i masakrës së Kralanit, Osmani përkujton të rënët

Presidentja e Republikës së Kosovës Vjosa Osmani, në 24-vjetorin e masakrës së Kralanit, përkujtoi të rënët, përcjell albinfo.ch.

Presidentja Osmani tha se sot kujtojnë edhe 86 civilët e rrëmbyer nga forcat gjenocidale të Serbisë në Kralan të Gjakovës, të cilët u ndanë nga kolona e të zhvendosurve, të mbledhur në këtë fshat.

“Sot kujtojmë 86 civilët e rrëmbyer nga forcat gjenocidale të Serbisë në Kralan të Gjakovës, të cilët u ndanë nga kolona e të zhvendosurve, të mbledhur në këtë fshat. Civilë të moshave të ndryshme, pleq, gra, burra e fëmijë, u vranë mizorisht nga regjimi kriminal serb ose u zhdukën dhunshëm.

Sot e kësaj dite, nënat, motrat e familjarët e tjerë presin në ankth ndonjë lajm për fatin e më të dashurve të tyre, të zhdukur me dhunë nga regjimi serb.

Drejtësi për viktimat dhe kujtim i përhershëm për to”, shkroi Osmani.