Hapet panairi “Prishtina 2023”

Mësohet se panairi i përgjithshëm ndërkombëtar ekonomik “Prishtina 2023”, organizuar nga Oda Ekonomike e Kosovës ka hapur dyert të mërkurën, përcjell albinfo.ch.

Kryetari i OEK-ut, Lulzim Rafuna, tha se panairi do të jetë i hapur për katër ditë radhazi dhe se është shumë i rëndësishëm për bizneset kosovare. Përmes tij, siç tha Rafuna, këto biznese mund të gjejnë bashkëpunim me njëra-tjetrën dhe të zgjerojnë kompanitë e tyre. Ai tha se kjo ngjarje mbledh ndërmarrësit vendës dhe ndërkombëtarë nga të gjithë sektorët në kërkim të mundësive të reja për të zgjeruar bizneset e tyre dhe promovuar ato. Këtë vit, panairi po mbahet në qendrën tregtare Prishtina Mall, nga ora 10:00-18:00.