Kurti: BE-ja ta ndryshojë qasjen ndaj Ballkanit Perëndimor

Në një konferencë për media, kryeministri i Kosovës, Albin Kurti, tha se e është koha që Bashkimi Evropian ta ndryshojë qasjen ndaj Ballkanit Perëndimor, përcjell albinfo.ch.

Kurti në konferencën për ”Balkan Dialogues Initiative”, shtoi se sa i përket dialogut, Kosova është konstruktive në këtë proces. Kurse sa u përket të drejtave të minoriteteve, Kurti shtoi se është Kushtetuta e Kosovës, e cila i garanton të drejtat për pakicat.

“Ka ardhur koha për Bashkimin Evropian që ta ndryshojë qasjen ndaj rajonit. Fondet e BE-së duhet të ndërlidhen me vlerat evropiane. Kur bëhet fjalë për bashkëpunim rajonal, ne kemi ratifikuar tri marrëveshjet nga procesi i Berlinit”.

“Sa i përket dialogut me Serbinë, ne jemi konstruktivë dhe kreativë në këtë proces. Ne besojmë se marrëveshja bazë e arritur është një hap i rëndësishëm”.