Shqipëri: Tentoi të fuste 25 mijë franga zvicerane të padeklaruara, arrestohet 40-vjeçari

Policia kufitare e Shqipërisë në Morinë njoftoi se ka goditur një rast të mosdeklarimit të parave, ndërsa ka nisur hetimi për një 40-vjeçar.

Policia thotë se gjatë kontrollit fizik dhe kontrollit në çantën e këtij shtetasi, shërbimet e Policisë gjetën 25 000 franga zvicerane, të cilat shtetasi O. A., po tentonte t’i fuste pa i deklaruar konform ligjeve në fuqi.

Në cilësinë e provës materiale policia i sekuestroi shumën e parave, ndërsa 40-vjeçari akuzohet për veprën penale “Mosdeklarimi në kufi i të hollave dhe i sendeve me vlerë”.