Berset pret ambasadorin e Shqipërisë, pranon letrat kredenciale

Ambasadori i Shqipërisë në Zvicër, Mustafa Nano, është pritur në një takim nga presidenti i Zvicrës, Alain Berset. Tek ky i fundit ambasadori shqiptar dorëzoi letrat kredenciale.

Pas dorëzimit të letrave kredenciale, presidenti Berset dhe ambasadori Nano diskutuan mbi mundësitë e forcimit të marrëdhënieve bilaterale mes Shqipërisë e Zvicrës, sidomos në nevojën për të nxitur e thelluar bashkëpunimin ekonomik.

Presidenti Berset nuk la pa përmendur bashkëpunimin e shkëlqyer të dy vendeve si anëtare jo të përhershme të OKB-së, thuhet në njoftimin e Ambasadës së Shqipërisë në Bernë.