Shqipëri: Lindjet në nivelin më të ulët

(KEYSTONE/Gaetan Bally)

Emigracioni i lartë që ka prekur Shqipërinë më së shumti vitet e fundit, por dhe plakja e popullsisë ka bërë që vendi të regjistrojë numrin më të ulët të lindjeve ndonjëherë.

22 mijë e 210 lindje në 2023 është edhe numri më i ulët në 30 vitet e fundit që Shqipëria ka regjistuar.

Në 3 mujorin e katërt të 2023 lindjet ranë me 7.6%. Më së shumti rënie u regjistrua në qytetet Gjirokastër, Kukës e Lezhë ndërsa më shumë Tiranë, Durrës dhe Elbasan, transmeton A2 përcjell albinfo.ch.

Sociologët lajmërojnë se në vijim do përgatitemi për të parë më shumë azile sesa kopshte.

“Çfarë do të thotë që kemi më pak lindje. Kemi një piramidë e cila ka bazë të gjerë që përfaqëson lindjet dhe vdekjet më lartë. Sot nuk kemi piramidë më çka do të thotë baza poshtë është e ngushtë dhe nuk mund të mbajë një popullsi të madhe”, u shpreh sociologia Eris Dhamo.

Ndalur tek fatalitetet në 2023, ky numër ra me 3964 krahasuar me një vit më parë. Qarku me numrin më të ulët të vdekjeve është Kukësi me 109 vdekje, ndërsa qarku me numrin më të lartë është Tirana me 1.293 vdekje.