Revista amerikane tregon pse Shqipëria duhet vizituar më 2024

Revista amerikane “AZ Animals” e ka renditur Shqipërinë mes 11 vendeve më unike ballkanike për të vizituar në vitin 2024

Vendet e Ballkanit, shpesh të quajtura thjesht “Ballkani”, ndodhen pjesërisht në Gadishullin Ballkanik.

Ballkani, në Evropën Juglindore kufizohet në veri me lumenjtë Sava dhe Danub.

Në perëndim kufizohet me Detin Adriatik dhe në lindje me Detin e Zi.

Gjeografikisht, Greqia dhe disa pjesë të Turqisë ndodhen në Ballkan, por politikisht Greqia dhe Turqia nuk përfshihen si vende ballkanike.

Revista amerikane “AZ Animals” e ka renditur Shqipërinë mes 11 vendeve më unike ballkanike për të vizituar në vitin 2024, shkruan ATSH, transmeton albinfo.ch.

Shqipëria

E quajtur ndryshe Republika e Shqipërisë, vendi ka një popullsi prej afro tre milionë banorësh me gjysmën e popullsisë që jeton në qytete, përfshirë Tiranën, kryeqytetin.

Shqipëria ndodhet në perëndim të Gadishullit Ballkanik. Gjeografia e saj varion nga malet e mbuluara me borë në Alpet Shqiptare deri te rajonet e ngrohta bregdetare të Jonit.

Shqipëria është anëtare e NATO-s dhe ka aplikuar për anëtarësim në Bashkimin Evropian.

Bujqësia është thelbësore për ekonominë shqiptare dhe vendi është një nga prodhuesit më të rëndësishëm të rozmarinës në botë.

Shqipëria, është gjithashtu një prodhues i rëndësishëm i mineraleve.

 

---