Vajzat shqiptare nga Haraçina “sundojnë” Belgjikën

Albinfo.ch para pak ditësh ka raportuar për Luiza Durakun, një vajzë e lindur në Haraçinë të Shkupi që jeton dhe vepron në Bruksel. 

Në zgjedhjet e fundit lokale në Belgjikë ajo ka fituar numër të madh të votave dhe në bazë të renditjes ka marrë pozicionin e nënkryetares në Komunën e Anderlecht-it.

Luiza është shqiptarja e parë në Komunën e Anderlecht-it që ka marrë një pozitë kaq të lartë.

Por jo vetëm!

Ajo nuk është e vetmja shqiptare, sepse edhe në Komunën Evere gjithashtu të njëjtën pozitë ka marrë edhe Habibe Duraku, e cila është rizgjedhur për herë të dytë në pozitën e nënkryetares në Komunën Evere.

Ajo që e bën të veçantë lajmin është fakti se që të dyja janë nga e njëjta familje, sipas informacioneve jozyrtare janë kushërira dhe politikisht janë të angazhuara në Partinë Socialiste të Belgjikës. /Albinfo.ch