Dhjetë qytetet më tërheqëse në botë këtë vit

Ka qenë vit i madh për Parisin: Lojërat Olimpike këtë verë, rihapja e katedrales Notre Dame, dhe tani është emëruar si qyteti më tërheqës në botë.

Është hera e katërt rresht që kryeqyteti francez e ka marrë vendin e parë në Indeksin e top 100 destinacioneve nga kompania “Euromonitor”.

Më shumë se 70 milionë njerëz udhëtuan në Paris këtë vit, shkroi CNN. 

Evropa dominon renditjen e 2024-s me gjashtë qytete në top 10-shen. Madridi është në vendin e dytë, Roma dhe Milano 4 dhe 5, Amsterdami në vendin e 7-të dhe Barcelona e 10-ta.

Të tjerat jashtë Evropës përfshijnë Tokion në vendin e 3-të, Sidnei në të 8-in dhe Singapori 9. Ndërkaq, New Yorku është renditur në vendin e 6-të.