Kurti nominohet për kryeministër nga Vetëvendosje edhe për një mandat

Kryeministri aktual i Kosovës, Albin Kurti, ka marrë sërish besimin e partisë Vetëvendosje për t’u nominuar edhe një herë për kryeministêr nga radhët e VV-së për zgjedhjet e 9 shkurtit.

Me shumicë votash dhe pa kundërkandidat Këshilli i Përgjithshëm ka aprovuar kandidaturën.

“Mund ta themi së bashku dhe më zë të lartë se kjo ishte qeverisja më e mirë për qytetarët dhe shtetin tonë qysh nga pavarësia. Le ta mendojmë edhe një herë në qetësi e larg dezinformatave, që për sovranitetin e Kosovës, ushtrinë tonë, buxhetin tonë, policinë tonë, sigurinë tonë dhe për të gjithë sektorët vitalë të jetës sonë publike, janë të gjitha më mirë e shumë më mirë të organizuar sesa në vitin 2020 e më parë”, ka thënë Glauk Konjufca.