Kurti: Shtetasit e Bosnjës nga 1 janari mund të udhëtojnë në Kosovë me letërnjoftim biometrik

Kryeministri i Kosovës, Albin Kurti, ka thënë se nga 1 janari i vitit të ardhshëm të gjithë shtetasit e Bosnjë e Hercegovinës do të mund të udhëtojnë me letërnjoftim biometrik drejt Republikës sonë.

Qeveria mbrëmë mori vendimin, tashmë të paralajmëruar, me të cilin shtetasit e Bosnjë e Hercegovinës nga 1 janari i vitit të ardhshëm do të mund të udhëtojnë me letërnjoftim biometrik drejt Republikës sonë”, ka shkruar Kurti.

Më tutje Kurti u shpreh se në nëntor janë bërë dy vjet prej nënshkrimit të Marrëveshjes për Lëvizjen e Lirë me Letërnjoftime në Ballkanin Perëndimor në Berlin, si pjesë e marrëveshjeve të Procesit të Berlinit.

Mbetemi me shpresë se Bosnjë e Hercegovina do të jetë në gjendje ta ratifikojë marrëveshjen sa më shpejt që të jetë e mundur, në mënyrë që i gjithë rajoni të gëzojë lirinë e lëvizje, ka shtuar më tutje Kurti.