Sami Lushtaku mohon sulmin ndaj eskortës së kryeministrit

Sami Lushtaku ka reaguar pas deklaratave të ministres së drejtësisë, Albulena Haxhiu, e cila tha se Lushtaku kishte tentuar të sulmonte eskortën e kryeministrit.

Sipas Haxhiut, Lushtaku ka përdorur veturën zyrtare të komunës së Skenderajt për të penguar rrugën e veturës së kryeministrit me qëllim sulmin.

Lushtaku ka mohuar kategorikisht këto akuza në emisionin “Kosova Today” , duke thënë se ka qenë duke kryer detyrat e tij të zakonshme, pasi është periudhë fushate, dhe se nuk ka pasur asnjë lidhje me ngjarjen e përmendur.

Ministrja e Drejtësisë, Albulena Haxhiu, përmes një postimi në Facebook ka njoftuar se nënkryetari i Skënderajt, Sami Lushtaku ka tentuar ta sulmojë eskortën e kryeministrit Albin Kurti.