Bilanci i Prokurorisë: Deri në orën 15:00 6 të arrestuar për shkelje të së drejtës së votës

Për zgjedhjet për Kuvendin e Kosovës, që po mbahen sot, Prokurori i Shtetit ka bërë të gjitha përgatitjet e nevojshme për të garantuar mbrojtjen e votës, tha prokurorja Laura Pula, përcjell albinfo.ch.

“Në tërë Republikën e Kosovës po kujdestarojnë deri në 100 prokurorë në 38 komuna. Që nga ora 7 e mëngjesit, jemi gardianë të ruajtjes së votës së sovranit. Po përpiqemi të jemi të pranishëm në momentet kritike dhe të iniciojmë çdo rast që lidhet me shkelje të mundshme të së drejtës së votës, e cila përbën një kapitull të veçantë në Kodin Penal të Republikës së Kosovës dhe përfshin 11 vepra penale kundër së drejtës së votimit.”, tha Pula.
Ajo tha se deri rreth orës 15 janë arrestuar gjashtë persona, në tri raste, të cilët janë në ndalim, me qëllim të mbledhjes së hetimeve.Pula tha se këto raste nuk mund t’i konsiderojnë të vogla apo të mëdha, por a mund të prishin imazhin.
“Ne mund të themi jo por kanë vepruar kundër ligjit. Për shkak të veprimeve të kundërligjshme do të kenë edhe pasojat për ta. Prokurori i shtetit në këtë mision e ka mision mbrojtjen e votës.“Në çdo portal që publikohet ndonjë parregullsi që brenda apo jashtë ne mund të veprojmë, ne menjëherë merremi me atë informatë edhe në at rast prokuroria kompetente në koordinim me hetuesinë po merren”, thotë Pula.