KQZ-ja përditëson rezultatet preliminare nga numërimi i të gjitha vendvotimeve

EPA PHOTO EPA/ARMANDO BABANI/ab/BW

Komisioni Qendror i Zgjedhjeve të enjten ka përditësuar rezultatet preliminare të partive politike në zgjedhjet e 9 shkurtit nga numërimi i të gjitha vendvotimeve (2533).

Sipas rezultateve preliminare, Lëvizja Vetëvendosje ka marrë 342.281 vota apo 40.80 për qind, Partia Demokratike ka marrë 184.811 apo 22.03 për qind, Lidhja Demokratike ka marrë 147.888 apo 17.63 për qind dhe koalicioni AAK – Nisma ka marrë 62588 apo 7.46 për qind.

Rezultatet preliminare nuk përfshijnë votat me kusht, votat e personave me nevoja të veçanta dhe votat e diasporës.

Gjatë ditës së sotme, KQZ-ja bëri të ditur se ka numëruar 92.73 për qind edhe të votave për kandidatët për deputetë.