Prishtinë: Vdes një person në vendin e tij të punës, ra nga lartësia e një objekti

Raportohet se sot një person rreth 50 vjeç ka humbur jetën rreth orës 11:00 në vendin e tij të punës, pasi ka rënë nga lartësia e një objekti në lagjen Veternik.

Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Sipas Ahmetit, vdekja e tij është konstatuar nga ekipi i mjekëve emergjentë në vendin e ngjarjes.

“Rreth orës 11:00 është marrë informata se një person, rreth 50 vjeç, ka rënë nga një lartësi derisa ka qenë duke punuar në një objekt në lagjen Veternik.

Si pasojë e lëndimeve, personi, mashkull (shtetas i huaj), ka ndërruar jetë. Vdekja e tij është konstatuar nga ekipi i mjekëve emergjentë në vendin e ngjarjes. Policia, në koordinim me inspektorët e punës dhe prokurorinë, kanë nisur hetimin e rrethanave që karakterizojnë rastin”, ka thënë Ahmeti.