Një milioner i ri në Zvicër, fiton në Swiss Lotto

(KEYSTONE/Christian Beutler)

Shorti i së shtunës në Swiss Lotto solli fatin e madh për një lojtar të vetëm, i cili u bë milioner i ri pas goditjes së gjashtë numrave fitues. Fituesi u shpërblye me 1 milion franga zvicerane, ndërsa i mungoi vetëm numri me fat për të marrë xhekpotin e madh, shkruan Blick, transmeton albinfo.ch.

Numrat e tërhequr ishin: 2, 4, 17, 25, 36 dhe 37, ndërsa numri me fat ishte 5, i cili nuk përputhej me biletën e fituesit. Numri i përsëritur ishte 9, dhe numri i xhokerit 490259.

Megjithëse xhekpoti nuk u godit, Swisslos njoftoi se shuma e grumbulluar për shortin e ardhshëm, që do të mbahet të mërkurën, është 14.4 milion franga zvicerane, transmeton albinfo.ch.