Migracioni në Evropë dhe investimet e Zvicrës

EPA/VASSIL DONEV

Zvicra do të investojë 60 milionë franga në projekte migracioni në Greqi, Qipro dhe Bullgari, si pjesë e Kontributit të Dytë zviceran ndaj BE-së. Fokusi kryesor i këtyre projekteve është mbështetja për fëmijët e pashoqëruar azilkërkues dhe integrimi i hershëm i personave të ndjeshëm.

Nga kjo shumë, 28,65 milionë franga janë paraparë për Greqinë, 21,35 milionë për Bullgarinë dhe 10 milionë për Qipron. Me këtë, Zvicra vazhdon bashkëpunimin me Greqinë dhe Qipron, ndërsa për herë të parë përfshihet në projekte të ngjashme në Bullgari.

Ky angazhim është pjesë e një kuadri më të gjerë prej 190 milionë frangash, me të cilin Zvicra synon të forcojë menaxhimin e migracionit në Evropë dhe të zvogëlojë migracionin e parregullt dytësor drejt BE-së dhe Zvicrës.